आपला जिल्हा

कुकाण्यात कोरोनाच्या सावटाखाली आषाढी एकादशी, मुस्लीम समाजाच्या तरुणांचा सहभाग

वार्ताहर :समीर शेख कुकाणे (अहमदनगर)

नेवासा तालुक्यातील कुकाणा हे एक महत्वाच गजबजलेल गाव आहे.कोरोना महामारीने गेल्या दोन वर्षांपासून पंढरपूरच्या आषाढी वारीवर बंधने आली आहे. पायी दिंड्या, पालखी सोहळे, भजनानंद, हरिनामाच्या गजराने दुमदुमून जाणारे वातावरण हे सर्व बंद झाले. कुकाण्यामध्येही देखील हे भक्तीमय वातावरण शांत झालं आहे. त्यामुळे सर्वच भक्तांना आपल्या विठूरायाला भेटण्याची आस लागलेली असताना ही कोरोना मुळे पंढरपुरकडे प्रस्थान करत आलेल नाही.

गेल्या कित्येक पिढ्यांपासून चालत आलेला पालखी सोहळा यंदा देखील बंद असल्यानं कुकाण्यात भाविक नाराज झालेले दिसले. त्या दिवसातील धार्मिक वातावरण आठवून हळहळ व्यक्त केली जात आहे. त्यामुळे जुलैचा पहिला आठवडा याच दिंड्या, पालख्या आणि हरिनामाच्या गजराने मंतरलेला असायचा. मात्र कोरोनामुळे दोन वर्षांपासून सर्वठिकाणी धार्मिक उत्साहाच वातावरण स्तब्ध झाला आहे. त्यामुळे कुकाणेकर भाविकांचा हिरमोड झाला आहे एकप्रकारे वारी आणि वारकऱ्यांची ते फक्त आठवणी काढत आहेत.

आषाढी वारीच्या पार्श्‍वभूमीवर कुकाणे व परिसरातून छोट्या-मोठ्या अनेक दिंड्यां-पालख्या मुख्य रस्त्यावरून मार्गस्थ होत असत त्यावेळी नागरिकांच्या उत्साहाला उधाण येत. मात्र हे सर्व चित्र सलग दोन वर्षांपासून थांबले आहे.

वारकर्‍यांना अल्पोअपहार, फराळ, चहापाणी, भोजन ,संतपुजा अशी लगबग सुरू असत. दिंडीतील असलेल्या वारकर्‍यांच्या तोंडातून हरी मुखे म्हणा, पुण्याची गणना कोण करी, गण-गण गणात बोते, ज्ञानोबा- तुकारामांच्या जयघोषाने वातावरण मंत्रून जात.सर्व ठिकिणी प्रत्येक गावात दिंड्यांच्या आगमन झाल्यापासून ते मुक्कामासाठी व्यवस्था करण्यासाठीच्या नियोजनासाठी,दर्शनासाठी भाविक मोठी गर्दी-धावपळ करत असत.
विठुरायाच्या भेटीची आशेने कुकाणा व परीसरातील निघालेल्या पालख्यांचा कुकाणा गाव हे वारीचा मार्ग आहे. प्रत्येकवर्षी दिंड्यांच्या संख्येत वाढ होत असते. प्रत्येक दिंडीच्या निवासाचे स्थळ हे अगोदरच निश्चित असते. तसेच मुक्कामाच्या पंगतींचेही मानकरी पूर्वनियोजित असतात. पंढरपूरकडे जाणाऱ्या अनेक दिंड्या कुकाणेमार्गे मार्गस्थ होतात. कुकाणे पंचक्रोशीत वारीमार्गावर या दिंड्यांचे स्वागत करण्याची मोठी परंपरा जपली गेलेली आहे. पण या सर्वांपासून वारकरी-भाविक या वर्षीही मुकले आहेत त्यामुळे आता या भक्ताला आपल्या विठुरायाच्या भेटीची आस लागली आहे.
मुस्लीम समाजाच्या वतीने ही कुकाणा गावाच्या प्रतिकात्मक दिंडीचे स्वागत राष्ट्रवादीचे युवानेते अब्दुलहाफिज शेख यांनी केले.
ग्रामपंचायत सदस्य रज्जाकशहा इनामदार मित्रमंडळ व इस्माईल शेख यांच्या साईदिप बहुउद्देशीय संस्थेच्या वतीने विठ्ठल भक्तांना फराळाचे वाटप करण्यात आले.
मुस्लीम समाजाच्या या तरूणांच्या आषाढी एकादशीच्या व इतर धार्मिक कार्यक्रमातील सहभागामुळे धर्मनिरपेक्षतेचा परिचय सर्वाना आला.

     युवानेते अब्दुल हाफिज शेख यांनी कुकाणा येथील चर्च च्या छताच्या कामासाठी पन्नास हजाराची आर्थिक मदत केलेली होती त्याबद्दलही शेख यांचा समस्त ख्रिस्तबांधवाकडून सन्मान करण्यात आलेला होता. धर्मनिरपेक्षता व सर्वधर्मसमभाव हे फक्त विचारातून नव्हे तर प्रत्यक्ष कृतीतून या मुस्लिम तरूणांनी समाजाला दाखवून दिलेले आहे.त्यांच्या या कृतीच सर्वत्र कौतुक होत आहे.

बातमी शेअर करण्यासाठी खाली क्लिक करा

मुख्य संपादक - श्री. लक्ष्मण मडके पाटील

सूचना - www.news18marathi.in या डिजिटल वेब मीडिया पोर्टलवर प्रसारित होणा-या सर्व बातम्या, विविध विषयांवरील लिखाण, जाहिरात डॉक्युमेंट्री यांच्या लिखानाशी व बातम्या व लेख यामधून व्यक्त झालेल्या मतांशी मुख्य संपादक, सल्लागार संपादक, उपसंपादक सहमत असतील असे नाही.

Related Articles

Leave a Reply

Your email address will not be published. Required fields are marked *

Back to top button
बातमी कॉपी करणे हा कायद्याने गुन्हा आहे